Kryedemokrati Basha ka mbajtur pasditen e sotme një takim me bizneset në Malësinë e Madhe. Gjatë bisedës, Basha u ndesh me problemin e pasigurisë në qytetin e Shkodrës, gjë e cila iu deklarua nga përgjegjësi i biznesit të vogël.
Basha komentoi deklaratën e Ramës, i cili më herët në një studio televizive është shprehur “Hënkshin kokat e njëri-tjetrit”.
“Ke të drejtë të kesh frikë, se këtu bandat të hanë kokën e njëri-tjetrit thotë kryeministri, hënkshin kokën e njëri-tjetrit thotë ai. Po ashtu është, edhe policia për çfarë paguhen? Për të garantuar sigurinë e qytetarëve. Ajo ngjarje e rëndë duhet zbardhur, ose në të kundërt ka gisht shteti”, tha Basha.
