Bota

Vrau 50 myslimanë, terroristi ankohet se nuk i lejojnë…


               Publikuar në : 17:41 - 01/04/19 A.F

Vrau 50 besimtarë myslimanë, por ankohet për mënyrën se si po trajtohet në burg. 28-vjeçari Brenton Tarrant, autor i masakrës në Zelandën e Re, është ankuar për mënyrën se si po trajtohet në qeli. I riu po mbahet në izolim në burgun Auckland.

Terroristi australian ka sulmuar autoritetet se i kanë mohuar vizitat dhe telefonatat, si një e drejtë që e ka çdo i burgosur.

Ai u dërgua në burgun më të izoluar të vendit menjëherë pas daljes në gjyq, një ditë pas sulmit të 15 marsit në Christchurch.

The Sun shkruan se terroristi ka dërguar një ankesë në Departamentin e Korrektimeve se po i privohen të drejta bazike, veçanërisht telefonatat dhe akses i vizitorëve.

Një burim nga Departamenti i Korrektimeve tha: “Ai është nën izolim dhe vëzhgim konstant. Ai nuk përfiton të drejtat minimale. Kështu që jo vizita dhe jo telefonata.”

Sipas rregullave në burgjet e Zelandës së Re, të burgosurit mund të presin vetëm një vizitë 30 minutëshe në javë dhe të paktën një telefonatë./ Tirana Today


Kthehu
WhatsApp Denonco ne TT