Ministria e Shëndetësisë njofton se kanë dalë nga spitali të gjithë nxënësit e raportuar si të helmuar.
Kujtojmë se 60 nxënës të gjimnazit “Janaq Kilica” në Fier u paraqitën sot në spital me shenja intoksikimi. Ministrja Shahini vizitoi më vonë shkollën nga afër, duke bërë me dije edhe masat e marra në lidhje me këtë rast.
Ky ishte rasti i dytë i këtij lloji i shënuar në këtë gjimnaz, në 10 ditët e fundit.
Njoftimi i Ministrisë së Shëndetësisë:
Informacion i përditësuar
Ngjarja në Fier, dalin nga spitali të gjithë nxënësit
Pak minuta më parë ka lënë spitalin edhe nxënësit e fundit që po mbaheshin në observim në spitalin rajonal të Fierit, si pasojë e intoksikimit në ngjarjen e ndodhur në shkollën “Janaq Kinica”.
Pasi kanë marrë trajtimin e duhur mjekësor, të gjithë nxënësit kanë lënë spitalin.
Gjatë ditës së sotme, spitali rajonal i Fierit trajtoi rreth 60 nxënës me shenja të intoksikimit dhe neuroza paniku. Sipas mjekëve, gjendja e tyre shëndetësore paraqitet e mirë.
