Ish-kryeministri i Kosovës Ramush Haradinaj i ka bërë thirrje publike kryeministrit aktual Albin Kurtit që të mos heqë taksën ndaj Serbisë pa njohje.
“I bëj thirrje publike Kurtit dhe partnerëve të tij qeverisës që mos të hiqet taksa pa njohje. Pushtetet nuk janë asgjë kur është në pyetje ruajtja dhe mbrojtja e sovranitetit të vendit”, shkruan ndër të tjera në Facebook Haradinaj.
Reagimi i tij i plotë: “Kosova nuk ka asnjë garancë se heqja e taksës 100% për produktet e Serbisë e sjellë Marrëveshjen Finale për njohjen reciproke në kufijtë ekzistues.
Sot, Serbia vazhdon të armatoset nga Rusia me pajisjet më të reja ushtarake, ndërsa Qeveria Kurti premton heqjen e taksës duke siguru pushtimin ekonomik të Kosovës nga Serbia.
I bëj thirrje publike Kurtit dhe partnerëve të tij qeverisës që mos të hiqet taksa pa njohje.
Pushtetet nuk janë asgjë kur është në pyetje ruajtja dhe mbrojtja e sovranitetit të vendit.
Tregu vetëm për njohje! RH”.
