Kryetari i AAK-së në Kosovë, Ramush Haradinaj, deklaron se futja e PDK-së në koalicionin qeverisës është e pashmangshme.
I ftuar në emisionin “Rubikon” në Klan Kosova, Haradinaj tha se kjo do të ndodhë pasi për të zgjedhur presidentin nevojitet kuorumi.
“Mendoj që është e pashmangshme. Zgjedhja e presidentit është e pamundur të bëhet të bëhet pa kuorum. Por, LDK është bartësi i koalicionit. Edhe ne jemi në koalicion por përgjegjësia i takon LDK-së. Ose LDK të deklarohet se nuk përfshihet në zgjedhjen e presidentit”, tha ai.
Ndër të tjera, Haradinaj ka komentuar edhe tërheqjen e padisë për shpifje nga kryeministri Rama.
“Nuk e kam ndryshuar qëndrimin tim për Edi Ramën, heqjen e padisë e pranoj vetëm si kërkim falje dhe jo si mëshirë”, tha ai.
