Deputetja e opozitës Rudina Hajdari, nga foltorja e Parlamentit ngriti alarmin për numrin e lartë të grave të vrara në Shqipëri.
“Një gjyqtare u vra në mes të rrugës si një kafshë. Ky Parlament nuk bëri asgjë, në 2 muaj janë vrarë 7 gra. Kjo është një emergjencë kombëtare! Gratë sot nuk janë të mbrojtura, gra e vajza dhunohen çdo ditë.
Më vjen keq që sot flas ende për gra e vajza që vriten çdo ditë në rrugët e Tiranës. Ju sot ç’po bëni?
Reklamoni se roli i grave po rritet, ndërkohë që ato po vriten. A e kuptoni sot se ne jemi të gjitha viktima të këtij Parlamenti. Për mua është problem i thellë.
Deklaroj para jush se edhe unë kam qenë pre dhe viktimë e dhunës. Nuk flas për dhunë psikologjike.
Jemi të gjitha viktima të këtij fenomeni, edhe nëna ime kur jetonte në komunizëm, edhe unë, por fëmija im nuk duhet të jetë më viktimë e dhunës”, deklaroi Rudina Hajdari.
