Komisioneri për Negociatat e Zgjerimit, Johannes Hahn, thotë se ndihet i shqetësuar dhe i trishtuar nga lëkundjet shkatërrimtare të tërmeteve që prekën Shqipërinë.
“I trishtuar dhe i shqetësuar kur mësova në lidhje me serinë e tërmeteve shkatërrimtare në Shqipëria, të cilët shkaktuan lëndimin e qindrave njerëzve dhe dëme serioze në infrastrukturë. Bashkimi Evropian ofroi ndihmë menjëherë”, shkruan Hahn, në një postim në Twitter.
Tërmetet, përpos dëmeve materiale, lanë edhe shumë persona të plagosur. Në total në vend janë trajtuar 105 qytetarë me fraktura dhe dëmtime për shkak të tërmetit.
Aktualisht tek Spitali i Traumës janë 7 persona nën mbikqyrje, dhe që po marrin trajtim, 3 paraqiten në gjendje më serioze.
Në Durrës janë 3 persona që po mbahen nën mbikqyrje nga personeli mjekësor.
