Elisa Spiropali, ministrja e Shtetit për Marrëdhëniet me Parlamentin, e ftuar në “ABC News”, e ka konsideruar qasjen e opozitës të gabuar dhe “donkishoteske”.
Spiropali i krahasoi kundërshtarët me personazhin Don Kishoti i Mançës, të autorit Migel Servantes. Por, çudia ishte kur Spiropali e cilësoi Don Kishotin një figurë romantike, dhe një personazh të rëndësishëm të letërsisë shqipe.
“Opozita ka gjetur qasjen më të gabuar. Mendon se me njerëz të paguar, me njerëz që bëjnë komente denigruese në rrjetet sociale, do mund të cënojë qeverinë apo elementë të saj.
Është një qasje prej Don Kishoti, po as ky nuk është term i duhur, sepse Don Kishoti është një figurë romantike dhe komplekse e letërsisë shqiptare”, tha Spiropali.
