Sikundër Italia, edhe Greqia ka nisur me vaksinimin. Një lajm ky i shumëpritur, pasi Greqia është në një situatë të rënduar si pasojë e koronavirusit. Shifrat e të infektuarve janë në rritje, pavarësisht masave kufizuese.
E para që ka bërë vaksinën Pfizer/BioNTech, është një infermiere në Athinë, Efstathia Kampisiouli e cila shërben në spitalin Evangelismos.
Më pas do të bëjë vaksinën presidentja Katerina Sakellaropoulou në po të njëjtin spital, ndërsa 30 minuta më vonë kryeministri grek, Kyriakos Mitsotakis në spitalin Attikon.
Po sot ka nisur vaksinimi në të gjitha vendet e BE-së, ku fillimisht do të vaksinohet personeli shëndetësor e më tej krerët e shteteve.
