Tre infermiere shqiptare kanë rënë në prangat e policisë greke, pasi nuk kishin licencën për ushtrimin e profesionit në vendin fqinj. Mediat vendase raportojnë se në ndalimi i tre infermiereve nga Shqipëria dhe dy nga Bullgaria, është bërë në spitalin publik të Janinës ‘Haxhikosta’.
Pas kontrollit të ushtruar, ato nuk kanë pasur dokumentacionin e duhur. Për pasojë, infermieret nga Shqipëria e Bullgaria janë arrestuar.
Nga ana e policisë vijojnë hetimet, për të zbuluar se si këto shtetase kishin arritur të punësoheshin në spitalin e Janinës, pa pasur dokumentacionin përkatës.
