Një lajm i mirë vjen nga Greqia, ku gjatë 24 orëve të fundit nuk është shënuar asnjë viktimë nga koronavirusi.
Ky mund të cilësohet si një nga sukseset e para të vendit fqinj, në ditën e saj të dytë të rihapjes së vendit.
Ndërkohë janë shënuar edhe 10 raste të reja të personave të infektuar, duke e çuar në 2,642 numrin total të rasteve të regjistruara.
Në spitale numri i të shtruarve sa vjen e pakësohet teksa vetëm 35 pacientë janë të intubuar. Profesori Tsiodoras tha se 55.4% e të infektuarve janë burra teksa nga 35 të intubuarit vetëm 8 janë gra.
Deri më tani, në Greqi janë shënuar 146 viktima, ndërsa mbi 1.300 persona janë shëruar. Raportohet se 1,112 raste janë ende aktive në shtetin fqinj, ndërsa 35 pacientë ndodhen në gjendje të rëndë shëndetësore.
