Presidenti i Kosovës, Hashim Thaçi po zhvillon një takim me emisarin special të Presidentit të Shteteve të Bashkuara të Amerikës, Richard Grenell.
Mediat kosovare bëjnë me dije se takimi mes tyre po zhvillohet në një nga restorantet e kryeqytetit. Më herët, Thaçi lajmëroi se takimi do të mbahej në orën 19:30, por Grenell u shfaq në restorant rreth një orë me vonë.
Grenell do të takohet ditën e nesërme edhe me liderin e LDK-së, Isa Mustafën. Një ndër çështjet që pritet të diskutojnë është edhe rinisja e dialogut mes Kosovës dhe Serbisë. Vetë Isa Mustafa ka pranuar se ndërkombëtarët po bëjnë presion për formimin sa më të shpejtë të qeverisë.
