I dërguari special i presidentit Trump për dialogun Kosovë-Serbi, Richard Grenell ka shtuar dozën e presionit për të dyja palët. Pas takimit me presidentin serb, Alexandar Vuiçiç, në një konferencë të përbashkët, ai ka deklaruar se SHBA-ja “do heqë dorë” nëse të dyja vendet nuk lëvizin pozitivisht drejt marrëveshjes.
“Kur flasim rreth asaj nëse është e drejtë apo jo, nuk është për mua ta them. Më takon mua që të sjellë dy palët në tavolinë dhe është në dorë të palëve për të vendosur. Palët duhet të më thonë mua se çfarë mendojnë dhe çfarë duan.
Unë po bëj përpjekje për një të ardhme më të mirë, për njerëzit në Kosovë dhe Serbi. Ne duhet të bëjmë gjithçka për të tejkaluar atë që të gjithë e shohin si një konflikt . Nëse dy palët nuk lëvizin dhe arrijnë një marrëveshje, ne do të tërhiqemi”, ka thënë Grenell.
