Ish-kryeministri Sali Berisha ka komentuar grabitjen e miliona eurove në aeroportin “Nënë Tereza”, duke e cilësuar një ngjarje të organizuar nga segmentet shtetërore.
I ftuar në “Rtv Ora”, Berisha i etiketon “ordinerë”, zyrtarët që fajësuan firmën kineze koncesionare.
“Në 48 orë, shqiptarët kanë parë në ekrane jo vetëm hajdutët, por njerëz ordinerë në pushtet që njëri pas tjetrit deklaronin se përgjegjësia është e kinezit dhe se ata nuk ndjenin asnjë lloj përgjegjësie, pavarësisht se vasal kimiku siç po e quajnë rëndomtë ministrin e Brendshëm, ka qenë kryetar i bordit në kohën e gjeneral kanabisit të Noriegës së Shqipërisë, kryetar i bordit të aviacionit civil”, deklaroi Berisha.
Më tej, ish-kryeministri tha se paratë e grabitura do të përdoren për blerje zgjedhjesh, teksa u shpresh se edhe Al Kapone nuk do ta bënte dot një grabitje si ajo e Rinasit, për të dytën herë rresht.
“Kjo është një vjedhje paraelektorale, e organizuar nga segmente të caktuara të shtetit. Me të njejtët skenarë të 2016. Me një falimentim të shtetit. Me një precizion të jashtëzakonshëm i cili mund të realizohet me një pjesëmarrje të elementeve të sigurisë së Aeroportit në Autoritetitn e Avizacionit Civil. Është një skenar shtetëror. Se s’ka bandidtë në botë që të organizojë dy herë të njejtin skenar në botë. As Al Kapone nuk do ta bënte dot dy herë rresht”, tha Berisha.
