Kreu i Partisë Demokratike, Lulzim Basha ka ngritur disa pyetje, teksa hedh dyshime se qeveria dhe Policia e Shtetit kanë gisht në grabitjen e aeroportit.
Basha tha se ngjarja mund të ishte parandaluar, ndërsa dha detaje lidhur me aksionerët e koncesionarit, teksa tha se avokati i PS-së, Eno Bushi është bashkëpronar i kompanisë private të sigurimit që merr 5 euro çdo qytetari.
Fjala e Bashës:
48 orë pas ngjarjes, fakte tronditëse kanë dalë në dritë. Ngjarja do ishte parandaluar nëse do zbatohej urdhri i datës 5 gusht 2018, nr 130 i cili kërkon që Policia e Shtetit të shoqërojë dhe ruajë transportimin e vlerave monetare, mbi shumën 150 mijë lekë dhe kërkon jo vetëm të shoqërohet, por të garantohet nga policia e shtetit. Asnjë prej elementët e sigurisë nuk ishte vendosur në thasët me para.
Lleshaj i bëri bisht një fakti të rëndësishëm dhe nuk dha përgjigje se pse truri Murataj prej 6 vitesh nuk u kap asnjëherë dhe organizoi 4 grabitje në 3 vite.
Rama ka shkelur kushtetuesen duke emëruar Lleshajn në drejtimin e këshillit drejtues të Autoritetit të Aviacionit Civili.
Kompania private e sigurimit që merr 5 euro nga çdo qytetar ka dështuar në mbrojtjen e sigurisë dhe figuron të jetë në bashkëpronësi të avokatit të PS-së, Eno Bushi, i njohur si avokati i George Riformatos. Bashkëshortja e Eno Bushit, Joana Bushi, është drejtoreshë e agjencisë rajonale të trafikut ajror.
Çfarë përgjegjësia ka kompania, aksionerët e të cilës janë të lidhur ngushtë me Ballukun dhe Ramën. Si është e mundur që grabitësit u larguan me thasët me para dhe dogjën makinat?
A janë shteti dhe organet e rendit përgjegjëse vetëm për paaftësi apo kemi të bëjmë me bashkëpunim të grabitjes?
A janë segmente shtetërore apo të policisë, bashkorganizatore direkt të kësaj grabitje?
