Kreu i Policisë së Shtetit, Ardi Veliu, dha sot detaje mbi operacionet që u bënë mbrëmjen e djeshme, gati në të gjithë vendin. Ai bëri me dije se janë arrestuar 115 persona, ku disa prej tyre janë organizatorët kryesorë të veprimtarisë së lojërave të fatit në shkallë vendi.
Lidhur me këtë çështje ka ardhur një reagim i fortë nga ana e kryeministrit Rama. Ai e ka cilësuar si një goditje shpartalluese ndaj rrjeteve kriminale të organizimit të lojërave të fatit.
Rama sqaron më tej se lojërat e fatit ndalohen me ligj në Shqipëri dhe organizatorët, menaxherët dhe shërbëtorët e linjave kriminale të organizimit të tyre, dënohen me burg nga Kodi Penal i Republikës së Shqipërisë.
Statusi
Policia e Shtetit – GODITJE SHPARTALLUESE RRJETEVE KRIMINALE TË ORGANIZIMIT TË LOJRAVE TË FATIT?
Lojrat e Fatit ndalohen me ligj në Shqipëri dhe organizatorët, menaxherët dhe shërbëtorët e linjave kriminale të organizimit të tyre, dënohen me burg nga Kodi Penal i Republikës së Shqipërisë.
Operacioni policor “Fundi i Lojrave” është një MESAZH I QARTË jo vetëm për ata që i hyjnë rrugës qorre të organizimit të kësaj veprimtarie kriminale, po edhe PËR TË GJITHË ATA QË I JANË FUTUR “LOJËS SË KRIMIT” në çfarëdo drejtimi, fushe apo niveli:
SHQIPËRIA NUK ËSHTË VEND PËR JU.
