Gjykata e Tiranës lë në burg sanitaren që u hoq si infermiere

Gjykata e Tiranës ka lënë në burg Tire Alldervishin, sanitaren që u hoq si infermiere për të përfituar para nga një qytetare, e cila kishte të shtruar në spitalin “Shefqet Ndoqi” nënën e saj.

Sanitarja 58-vjeçare e spitalit Covid-2, u vu në pranga një ditë më parë, pas publikimit të disa pamjeve nga emisioni “Stop”, në të cilat duket se ajo ka marrë të paktën 8 milionë lekë të vjetra nga vajza e pacientes, e cila më pas ndërroi jetë.

Nëna e vajzës që ka bërë kallëzim në Prokurori, ishtë shtruar tek COVID-2 më 28 nëntor të vitit që shkoi, dhe ka ndërruar jetë po në këtë spital në datën 25 dhjetor.