Në gusht mbush 125-vjeç, njihuni me mjeshtrin indian të jogës (VIDEO)

Ai tronditi pak kohë më parë stafin e aeroportit në Abu Dabi, pasi pasaporta e tij tregonte se kishte lindur më 8 gusht 1896, gjë që e bënte njeriun më të moshuar që ka jetuar ndonjëherë. Në fakt indiani Swami Sivananda është i moshuar, por në pamje ngjan më i ri.

Ai e shpjegon këtë me Jogën, aktivitetin e përditshëm fizik, dhe dietën e thjeshtë ushqimore. Ai thotë se ndikim ka edhe fakti që nuk është martuar asnjëherë. “Unë ha shumë thjesht, vetëm ushqime të ziera, pa vaj apo erëza. Kur isha fëmijë, flija shpesh me barkun bosh”, thotë ai.

Swami është përpjekur ta përfshijë emrin e tij në Librin e Rekordeve Gines. Por e ka pasur problem të provojë moshën e tij. Autoritetet indiane e verifikuan moshën e tij nga regjistri i një tempulli budist.

Edhe sot shumica e indianëve, janë të regjistruar vetëm aty. Por kjo nuk është e besueshme për regjistruesit e rekordeve botërore. Deri më sot, njeriu më i moshuar i njohur ndërkombëtarisht është japonezja Kane Tanaka, 118-vjeçe.

                                              TIRANA TODAY