Pas dështimit të seancës së parë për shkak të mos njoftimit të të pandehurve, Gjykata për Krime të Rënda ka nisur gjykimin e grupit të Habilajve.
Habilaj dhe një pjesë e grupit të tij, ndodhen në arrest në burg në Itali prej dy vitesh dhe janë duke u gjykuar për të njëjtat vepra penale, ndërsa gjykata ka kërkuar edhe ndihmën e Interpol, por ende nuk ka marrë një përgjigje. Në këto kushte, deri në njoftimin zyrtar të të pandehurve, gjykata shtyu seancën për në 30 prill.
Armand Koçerri është pjesëtari i vetëm i grupit që ndodhet në Shqipëri, i cili u arrestua së bashku me Nazer Seitin, ky i fundit, u ekstradua disa muaj më parë në Itali, ku edhe është duke u gjykuar.
Prokuroria akuzon 9 të pandehurit, se në kuadër të grupit të strukturuar kriminal, kanë trafikuar tonelata drogë drejt Italisë, ndërsa nga përgjimet për këtë grup, ka dalë edhe emri i ish-ministrit Saimir Tahiri.
