Deputeti i opozitës, Kujtim Gjuzi ka replikuar me kryeparlamentarin Ruçi lidhur me ardhjen e vaksinës.
Në nisje të seancën së parë për vitin 2021, Gjuzi ka kërkuar që i pranishëm në sallë të ishte edhe kryeministri Rama.
Sipas tij, Rama i ka sjellë vaksinat në vend në mënyrë kontrabandë.
Kujtim Gjuzi: ”Ju diskutuat këtu lidhur me aktet normative për vaksinën anticovid, por kryeministri ka shkelur ligjin duke futur në mënyrë kontrabandë vaksina të pa çertifikuar nga Laboratori Kombëtar i Barnave. Prandaj sot në nisje Rama mungon këtu se e di që opozita do t’i nxirrte probleme. Ju doni të na mbyllni gojën, nuk na vijnë mediat në konferencë. Pse nuk vjen kryeministri në interpelancë me 8 deputetë? Është pa qejf? Keni frikë se vijnë zgjedhjet dhe harxhoni seancën, e doni të na mbyllni të gjithë gojën.”
