Kryetari i zgjedhur i Akademisë së Shkencave, Skëndër Gjinushi, ka reaguar menjëherë pas vendimit të marrë nga ana e presidentit Ilir Meta. Ai nuk e ka mirëpritur refuzimin e Presidentit, për ta emëruar në krye të këtij institucioni.
Në një reagim për ‘RTV Ora’, Gjinushi është shprehur se Presidenti nuk është komision hetimor që të mos dekretojë zgjedhjen e tij.
Sipas Gjinushit, Meta nuk ka të drejtë të refuzojë dekretimin.
Skënder Gjinushi u zgjodh kryetari i ri i Akademisë së Shkencave me 35 vota, në një garë pa rivalë. Në total votuan 43 akademikë.
Akademiku Artan Fuga dhe Partia Demokratike i cilësuan zgjedhjet farsë. Gjinushi u zotua se do ta mbaj larg politikën nga Akademia, dhe se do ta reformojë atë.
