Gjermania ka regjistruar 4 viktima nga koronavirusi në 24 orët e fundit. Kështu shkon në 9,086 numri i personave që kanë humbur jetën nga COVID-19 në Gjermani.
Sa i përket rasteve të reja, gjatë 24 orëve të fundit janë shënuar 219 raste duke e çuar në 196,554 numrin e përgjithshëm të të infektuarve.
Kujtojmë se qeveria gjermane i ka hequr kontrollet kufitare me shtetet anëtare të BE-së dhe me disa vende të tjera. Siç dihet tashmë Gjermania ka regjistruar shumë më pak viktima se Britania e Madhe, Franca, Italia e Spanja.
Më shumë se 11,5 milionë njerëz nga e gjithë bota janë prekur nga koronavirusi, ndërsa më shumë se 536 mijë persona kanë humbur jetën.
