Ekoja e dytë ka zbuluar se këngëtarja Fjolla Morina, e cila akuzohet për trafik armësh dhe municionesh, ka mashtruar për t’i shpëtuar burgut. Pas ekos së dytë, Prokuroria tashmë ka kërkuar edhe hetim për spitalin ku bëri ekon e parë, që e nxori dy muajshe shtatzënë.
Pasi mashtroi, këngëtarja i shtoi edhe më tej telashet vetes, pasi rrezikon edhe burg për mashtrim.
Mjeku i parë që i ka nxjerrë këngëtares një raport fals se është shtatzënë, është arratisur në Kosovë. Analiza e parë është bërë në Kukës, teksa mësohet se ai është larguar drejt Kosovës. Ndaj tij rëndon akuza për falsifikim dokumentesh dhe shpërdorim detyre.
Këngëtarja u arrestua pasi gjatë kontrollit në doganën e Morinës, iu gjetën armë në çantë. Në deklaratën e saj përballë organit të akuzën, Fjolla ka pranuar autorësinë e armëve ndërsa është shprehur se e kishte harruar në çantë.
