Që në ditët e para pas tërmetit kryeministri Rama bëri me dije se po punohet me intensitet për rindërtimin e plotë të zonave dhe banesave të dëmtuara.
Një prej zonave që do të transformohet plotësisht është dhe zona ku po depozitohen inertet e ndërtimeve të shembura, “Porto Romano”.
Kryeministri Rama ka publikuar sot një video ku tregohet sesi do të transformohet kjo zonë. “Nga një zonë kanceroze, në një park urban”, këto kanë qenë fjalët e KM për të përshkruar ndryshimin që pritet të ndodhë në këtë zonë.
Projekti ishte parashikuar të zgjaste 3 vjet, ndërkohë kreu i ekzekutivit ka njoftuar se do të bëhet në gjysmën e kohës, 18 muaj.
https://www.facebook.com/edirama.al/videos/775711919604105/
“Inertet brenda perimetrit të emergjencës do të evakuohen në fushen e plehrave të Porto Romanos në Durrës dhe po ashtu do të përdoren për shërimin e kodrave të sakatuara nga guroret e Krujës. Zona kanceroze e krijuar në dekada të tëra plehrahedhjesh në Porto Romano, do të kthehet në një park të madh urban të qytetit bregdetar.
PUNA KA NISUR PAPUSHIM dhe KY PROJEKT i PARASHIKUAR PËR 3 VJET DO TË REALIZOHET TANIMË PËR MAKSIMUMI 18 MUAJ“, shkruan Rama.
