Policia turke ka arrestuar 13 persona të morën pjesë në një marshim me rastin e Ditës së Gruas, ku dhe kishin fyer Presidentin Rexhep Tajip Erdogan.
Mijëra protestues në Stambollin qendror, marshuan për të denoncuar dhunën ndaj grave në Turqi, ku më shumë se 400 gra u vranë vitin e kaluar. Ndryshe nga vitet e mëparshme kur policia prishi demonstrata të ngjashme, marshimi përfundoi paqësisht, shkruan ABC News.
Sidoqoftë, policia më vonë inspektoi videot e demonstratës dhe të mërkurën arrestoi 13 persona, përfshirë një të mitur, të cilët morën pjesë në protestë, tha zyra e guvernatorit të Stambollit.
Sipas mediave turke, se të dyshuarit u arrestuan për t’u marrë në pyetje mbi parrullat e gjykuara si fyese për Erdoganin.
Fyerja e presidentit është një krim në Turqi, dhe dënohet me deri në katër vjet burg. Mijëra njerëz, përfshirë gazetarë, politikanë, aktorë dhe nxënës të shkollës, janë ndjekur penalisht për fyerje të pretenduara ndaj Erdogan.
