Pas kritikave të forta që kryeministri Edi Rama bëri gjatë takimit me kryebashkiakët për ujësjellësin, janë shkarkuar 30 punonjës.
Shkarkimi i punonjësve të Ujësjellësit të Vlorës, ka ndodhur nga keqmenaxhimi. Vendimet në fjalë janë marrë nga drejtuesja e re e institucionit, Elona Hodaj, e cila ka nisur një riorganizim të punonjësve në pikat përkatëse në këtë qytet.
Kujtojmë këtu se Rama zhvilloi një takim me kryebashkiakët, për të diskutuar rreth analizës së performancës së sektorit ujësjellës-kanalizimeve, pas incidentit të rëndë të ndodhur në Krujë, ku u helmuan mbi 500 qytetarë nga uji.
Kreu i qeverisë, Edi Rama, tha se kampione për shpërdorimin e fondeve dhe keqmenaxhim është Bashkia e Vlorës, që ka regjistruar 78.9% humbje në këtë sektor, shifra më e madhe në radhët e Bashkive të tjera.