“Frikë për një tragjedi”, mjeku i njohur grek: Izolimi duhet deri në mars

Greqia duket se e ka tejet të largët përmirësimin e situatës me pandeminë. Pavarësisht izolimit e masave të ndërmarra nga ana e qeverisë për të ulur numrin e infektimeve, edhe ky plan duket se ka çaluar nga ana e ekspertëve.

Një mjek ka ngritur alarmin se me këto ritme, Greqia është drejt një tragjedie. Ndaj ai e sheh të udhës, për të qëndruar të izoluar në një afat më të gjatë kohor. Duke analizuar situatën, mjeku grek Nikolaos Kapravelos thekson se e mira do të ishte që vendi të rrijë i mbyllur të paktën deri në mars.

Nikolaos Kapravelos, drejtues i njësisë së Kujdesit Intensiv në spitalin “Papanikolaou”, është shprehur për mediat greke se që të shmanget një tragjedi e mundshme, duhet të vendi të mos rihapet të paktën deri në muajin mars.

“Dje sërish kemi pasur 65-70 shtrime të reja…nga ana tjetër, edhe ata që largohen nga spitali, duke ndjekur udhëzimet përkatëse, janë në mëshirën e Zotit”, ka deklaruar ai.

Mjeku u shpreh se frika e tij më e madhe është që nëse vendi hapet sërish, përhapja e virusit mund të dalë jashtë kontrollit. Ai shtoi më tej se sistemi shëndetësor nuk është në situatën më të mirë që ekziston.

“Pavarësisht masave ekzistuese, të cilat natyrisht nuk kanë asnjë lidhje me bllokimin e parë, virusi vijon të na tregojë dhembët. Pasi rastet e reja shtohen vazhdimisht, ndërsa sistemi shëndetësor nuk është në situatën më të mirë që ekziston”.