Kryeministri Edi Rama i bën thirrje popullit të mos bjerë pre e lajmeve të rreme, teksa sqaron se Shqipëria nuk është prekur nga koronavirusi.
Kreu i qeverisë ka shpërndarë në Facebook deklaratën e Drejtueses së Departamentit të Epidemiologjisë në Institutin e Shëndetit Publik, Silva Bino, e cila qartësoi se nuk ka asnjë rast infektimi në vend.
Frika nga përhapja e koronavirusit në vendin tonë është rritur edhe më shumë, pas rasteve të shumta të konfirmuara në Itali.
Postimi i plotë:
?KORONAVIRUSI NUK E KA PREKUR SHQIPËRINË! POR SI PËR GJITHË BOTËN ËSHTË NJË KËRCËNIM POTENCIAL, PËR TË CILIN JANË MARRË TË GJITHA MASAT NË RAST SE DO TË NA DUHET TA PËRBALLIM
?TË NJËJTAT MENDJE TË SHTHURRURA, QË JU SHQETËSUAN KEQ ME LAJMET FALLCO DHE ME GOJËLIGËSINË E TYRE GJATË DITËVE E NETËVE TË GJATA PAS TËRMETIT, JANË NË VEPRIM
?MOS BINI PRE E TYRE DHE JINI TË SIGURT SE SHTETI SHQIPTAR PO E BËN PREJ KOHËSH DETYRËN PËR TË QENË GATI NË RAST SHFAQJEJE TË KORONAVIRUSIT, TË CILIN JEMI GATI TA PËRBALLIM ME ORGANIZIM E PROFESIONALIZËM TË LARTË
