Presidenti francez Emmanuel Macron ka zgjedhur Jean Castex si kryeministrin e ri të Francës, pas dorëheqjes së Edouard Philippe.
Edouard Philippe paraqiti dorëheqjen sot tek presidenti Macron, ndërsa ky i fundit e pranoi dhe e zëvendësoi brenda ditës.
Shkaku i dorëheqjes së ish-kryeministrit është rezultati i dobët që partia e tij pati në zgjedhjet lokale, ku vetë Philippe kandidoi dhe fitoi postin e kryetarit të bashkisë së Le Havre.
Philippe, i cili ka qenë kryeministër që nga viti 2017 kur Macron dhe ekipi i tij “La République en Marche” (LREM) erdhën në pushtet, u zgjodh si kryetar i Le Havre në zgjedhjet lokale. Ai më parë ishte kryetar bashkie nga 2010 deri në 2017 në qytetin portual verior, ku fitoi gati 60% të votave.
