Gruaja që tërhoqi vëmendje me veshjen e bardhë gjatë vizitës së presidentit të Francës Emmanuel Macron në SHBA, sot mbush 49 vjeç. Melania, lindi në Novo Mesto në Slloveni në vitin 1970.
Ajo ka një motër më të madhe Ines dhe një vëlla vetëm nga nëna i quajtur Denis po ashtu edhe ai është më i madh, me të cilën ajo nuk u takua kurrë.
Melania ka studiuar arkitekturën dhe dizajnin në Universitetin e Lubjanës në kryeqytetin slloven.
Ajo u zhvendos në Nju Jork më 1996 dhe punoi si modele dhe nuk i pëlqente politika, por ajo shikonte shume filma ose kohën e lirë ia kushtonte palestrës.
Por, dy vjet më vonë ajo takoi Donald në një klub nate në Nju Jork, edhe pse ai ishte i martuar.
Ai i kërkoi numrin asaj dhe ajo e refuzoi duke e ditur se ai kishte dikë tjetër. Por, më pas në vitin 2005 çifti u martua. Ata kanë një fëmijë të quajtur Barron, i cili flet rrjedhshëm edhe gjuhën sllovene. Si dhe gjuhën e saj amtare, Melania flet rrjedhshëm anglisht, frëngjisht dhe italisht, dhe disa gjuhën serbo-kroate dhe gjermane.
Një ditë më parë, Donald dërgoi një email duke lavdëruar rolin e saj në familjen Trump dhe duke i kërkuar mbështetësve të nënshkruajnë një kartolinë për ditëlindjen e saj.
“Melania është shkëmbi dhe themelet e mia,” shkroi presidenti, “dhe unë nuk do të isha njeriu që unë jam sot pa të, nga ana ime, ajo është themeli i familjes sonë dhe një nënë e pabesueshme për djalin tonë Barron, jam aq krenar për arritjet e saj, dhe unë shpresoj se dhe ju do t’i dëshironi me të mirën në ditën e saj të veçantë. ”
Që nga hyrja në Shtëpinë e Bardhë, Melania ka luajtur një rol disi të ndryshëm nga paraardhëset e saj. TIRANA TODAY
