KFOR-i së bashku me Njësinë Speciale të Policisë janë duke vëzhguar situatën në dy pikat kufitare në Jarinje e Bërnjak. Policia e Kosovës nuk do të tërhiqet, deri sa të tërhiqen barrikadat e vendosura nga serbët lokalë. Sikundër njoftojnë mediat në Kosovë, situata paraqitet e qetë në të dy pikat kufitare.
Në veri ka filluar tërheqja e bllokadave dhe policëve të Njësisë Speciale të Kosovës. Tërheqja vjen pas marrëveshjes së nënshkruar në Bruksel, sipas së cilës largimi i tyre pritet të fillojë në orën 08:00 dhe pritet të përfundojë jo më larg se në orën 16:00.
Prej orëve të para të mëngjesit, në afërsi të pikave kufitare në Jarinje dhe Bernjak janë parë pjesëtarë të misionit të KFOR-it, të cilët do të marrin kontrollin e rendit pas zhvendosjes së forcave speciale të Kosovës. Forcat e KFOR-it do të qëndrojnë aty për dy javë, për të garantuar sigurinë.
