Deputetja e PD-së, Ina Zhupa, ka denoncuar rastin e plagosjes së një fëmije në një dhomë të Pediatrisë së Tiranës. Shqetësimin lidhur me këtë rast, ajo e ka demonstruar përmes fotove ku suvaja e tavanit ka rënë mbi shtrat.
Teksa sot është dita ndërkombëtare e fëmijëve, për fat të keq një fëmijë ka mbetur i lënduar, duke i rrezikuar edhe jetën.
Zhupa shprehet me anë të një statusi në Facebook se kushtet skandaloze të spitaleve, rrezikuan jetën e femijëve. Ajo ka kërkuar hetim dhe vënie para drejtësisë të personave përgjegjës, që rrezikojnë jetën e fëmijëve.
Statusi
1 qershori ne Pediatrine Tirane!
Kushtet e spitaleve skandaloze te shendetesise rrezikuan edhe jeten e femijeve.
Tani ne spitalin e pediatrise sapo u plagos nje femije nga renia e tavanit.
Duhet hetim dhe venia para drejtesise te atyre qe rrezikojne jeten e femijeve pikerisht ne vend ku duhet te shpetojne jeten dhe shendetin.
