E shtunë, 12 Qershor, 2021
27.5 C
Tirana

BE optimist për Ballkanin, SHBA-ja kërkon njohje të ndërsjellë Kosovë-Serbi

I ngarkuari i BE për dialogun Kosovë-Serbi, Miroslav Lajçak dhe zëvendësndihmës sekretari amerikan i shtetit, Mathew Palmer thanë se vizita e tyre në Prishtinë synon të mbështesë dialogun.

I ngarkuari i Bashkimit Evropian për dialogun Kosovë Serbi Mirosllav Lajçak dhe Zëvendësndihmës sekretari amerikan i shtetit Mathew Palmer, thanë në Prishtinë se BE dhe SHBA mbesin të përkushtuara në dialogun Kosovë-Serbi, me qëllimin final arritjen e një marrëveshjeje përfundimtare. Dialogu Kosovë-Serbi pritet të rinisë së shpejti gjatë këtij muaji, me një takim të nivelit të lartë ndërmjet kryeministrit të Kosovës Albin Kurti dhe presidentit të Serbisë, Aleksandër Vuçiç. Përsa i përket qëllimit final të marrëveshjes Kosovë-Serbi, përfaqësuesi i SHBA Mathew Palmer ishte i drejtpërdrejtë.

“Sa i përket qëllimit përfundimtar, ne vazhdojmë të besojmë se është njohja e ndërsjellë ajo që do ta lërë pas këtë çështje dhe do të hapë rrugën drejt Evropës”, tha Palmeri në një konferencë të shkurtër për mediet, së bashku me Lajçakun. Përsa u përket kompromiseve të mundshme në dialogun Kosovë-Serbi, që do të çonin drejt arritjes së një marrëveshjeje finale, Palmeri tha se për “për kompromise u takon palëve që të diskutojnë dhe të vendosin”.

Kompromisin duhet ta përcaktojnë vetë shqiptarët e serbët

“Nuk është në dorën e SHBA që të identifikojë se cilat duhej të ishin kompromiset e nevojshme, parametrat e negociatave. Kjo nuk është as punë e mikut tim Lajçak. Kjo u takon palëve. Dialogu nuk udhëhiqet nga SHBA e BE, por udhëhiqet nga palët. Dialogu lehtësohet nga BE dhe mbështetet nga SHBA. Prandaj, u takon palëve të formësojnë dhe të pajtohen për parametrat e dialogut dhe të ndihmojnë që procesi të ecë përpara. Ne jemi këtu për të mbështetur, inkurajuar dhe avokuar teksa procesi ecën përpara”, tha Mathew Palmer. Sipas tij, “Asociacioni i Komunave me Shumicë Serbe duhet të formohet ashtu si do të merren vesh palët”.

Presidenti i Serbisë, Aleksandër Vuçiç ka përsëritur disa herë se Serbia nuk do ta njohë kurrë pavarësinë e Kosovës.

I ngarkuari i BE për dialogun Kosovë-Serbi Miroslav Lajçak, i cili viziton shpesh Kosovën dhe Serbinë, ndërkaq, tha se takimet që zhvilluan kësaj radhe në Prishtinë ishin të dobishme dhe sipas tij, qëllimi i kësaj vizite dyditore ishte që të sigurohet që takimi Kurti-Vuçiç të jetë i suksesshëm.

Lexo edhe :   Zhvillimet kryesore në rajon në 24 orët e fundit

“Bashkëpunimi transatlantik në çështjen e Ballkanit Perëndimor dhe dialogut, është i shkëlqyeshëm. Qëllimi parësor i kësaj vizite, ishte të përgatitet takimi i parë i nivelit të lartë mes Kurtit dhe presidentit Vuçiç, i cili do të mbahet pas pak ditësh në Bruksel”, tha Miroslav Lajçaku, duke shtuar se “ky vit (viti 2021) ka potencial të jetë vit i mirë për marrëdhëniet mes BE dhe Ballkanit Perëndimor”.

Lajçaku dhe Palmeri zhvilluan gjatë dy ditëve të qëndrimit në Prishtinë bisedime me të gjithë udhëheqësit e institucioneve të Kosovës, përfaqësuesit e opozitës dhe praninë ndërkombëtare.

Lexo edhe :   Rashiti: Java e ardhshme, vendimtare për dialogun Kosovë-Serbi

Osmani: thelbësore të respektohet rregullimi kushtetues e funksionaliteti i vendit

Presidentja e Kosovës, Vjosa Osmani, nga ana e saj tha se procesi i dialogut Kosovë-Serbi duhet të përfundojë me njohjen e ndërsjellë mes dy vendeve.

“Për Kosovën mbetet thelbësore që në këtë proces të respektohen plotësisht integriteti territorial, rregullimi i brendshëm kushtetues dhe shtetëror, si dhe funksionaliteti i vendit”, tha Osmani duke shtuar se duhen respektuar këto parime në mënyrë që marrëveshja të jetë plotësisht e zbatueshme.

Edhe kryeministri i Kosovës, Albin Kurti, tha se bashkëpunimi ndërmjet BE dhe SHBA në dialogun Kosovë-Serbi është i domosdoshëm.

“Bashkëpunimi dhe koordinimi në mes të Bashkimit Evropian dhe Shteteve të Bashkuara të Amerikës në procesin e ri të dialogut është i mirëseardhur, sepse është i domosdoshëm”, tha kryeministri Kurti. Sipas tij, dialogu duhet të jetë i drejtë, parimor dhe në shërbim të popujve dhe paqes e sigurisë së gjithëmbarshme.

Përfshirjen e SHBA në dialogun Kosovë-Serbi po e kërkojnë edhe partitë politike opozitare, përfaqësuesit e të cilave takuan dy emisarët e dialogut Lajçak dhe Palmer.

Më 18 prill ndërkaq, në darkën e shtruar në Bruksel për udhëheqësit e vendeve të Ballkanit perëndimor, ku mori pjesë edhe kryeministri Kurti, shefi  i diplomacisë evropiane Josep Borrel deklaroi se ai shpreson që dialogu Kosovë-Serbi të rinisë nga mesi i muajit qershor./DW

- Reklama -

Më shumë nga kategoria




Të fundit

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...