Para hyrjes në Kuvend, ish-kryeministri Berisha hodhi akuza të forta ndaj kryedemokratit Basha, duke e fajësuar për një marrëveshje me Ramën, e cila ia dorëzoi sovranitetin e partisë këtij të fundit.
Ish-lideri demokrat u zotua për një luftë, me qëllim rikthimin e sovranitetit të partisë duke mos theksuar hapat që do të ndërmarrë.
Berisha, i përjashtuar tashmë nga Grupi Parlamentar i demokratëve, është ulur në karrigen e fundit në Kuvend. Ai është ulur në krah të Fatmir Mediut dhe aleatëve të PD-së.
Pak çaste më parë, kryedemokrati Basha zgjodhi që ta bënte rrugën në këmbë duke iu drejtuar Kuvendit, por pa kapitenin ‘historik’, Sali Berishën.
