Një aksident i rëndë i ka marrë jetën futbollistit nigerian, Ifeanyi George.
Ngjarja është shënuar gjatë ditës së sotme, teksa futbollisti po udhëtonte drejt qytetit të Lagos. Mediat e huaja raportojnë se bashkë me futbollistin ndodheshin edhe 2 persona të tjerë në makinë.
Ata kanë arritur t’i shpëtojnë përplasjes së rëndë, por George nuk mundi t’i mbijetojë plagëve të marra. Bëhet me dije se personat e plagosur janë një shok i skuadrës së tij dhe një mik i tyre.
Ifeanyi George, 26 vjeç luante për skuadrën e Enugu Rangers IFC në kategorinë e parë në Nigeri.
“Nuk mund t’i kontrolloj lotët Ifeanyi George, një sulmues i fortë që luan për Rangers ka vdekur. Më është thyer zemra dhe jam akoma i shokuar. Mendimet dhe lutjet e mia shkojnë për familjen e tij dhe Rangers,” shkruan nigeriani Mazi Ikemba.
