65-vjeçari shqiptar në Angli, është bërë hero në Angli, pasi u hodh në një pjesë të rrezikshme të lumit Thames për të shpëtuar një vajzë të re që po mbytej. Ai dhe gruaja e tij po ecnin në Parkun Thames Barrier pranë shtëpisë së tyre kur ai vuri re vajzën pranë lumit, e cila më pas u hodh në ujë.
Sipas mediave të huaja, Hismet Smakaj është lavdëruar për trimërinë e tij, pasi hyri në një lum në Londrën Lindore për të nxjerrë 7- vjeçaren duke e shpëtuar nga mbytja. Djali i Hismetit, Euklid Smakaj, tregoi se si babai i tij e shpëtoi vajzën e vogël.
‘Ndërsa po ecnin nëpër park, babai im pa këtë vajzën e vogël që po shikonte lumin dhe më pas u hodh brenda. Ajo po mbytej. Babai im as nuk mendoi dy herë dhe u fut brenda ta shpëtoi’, tha ai. Ai notoi rreth pesë metra, mezi i shihte flokët vajzës sepse po fundosej, uji ishte shumë i lartë dhe ai e kapi atë që ta nxjerr nga aty.
