Me kalimin e orëve po shtohet fluksi i qytetarëve që paraqiten në spitalin e Krujës, për të marrë ndihmë mjekësore me simptoma të helmimit. Nga mbrëmja e djeshme deri mëngjesin e kësaj të marte, në spital janë paraqitur 150 persona. Sakaq, të dielën dhe të hënën janë paraqitur mbi 170 persona.
Në total numri i qytetarëve që kanë paraqitur simptoma të helmimit janë 320 persona, me dyshimet për helmim nga uji i pijshëm.
Qytetarët kanë pasur simptoma si diarre, të vjella, dhimbje barku dhe temperaturë.
Nga ana e personelit të Shëndetit Publik janë marrë disa mostra të ujit të rrjetit, të cilat janë dërguar për ekzaminim, por analizat ende nuk janë bërë të ditura.
