Eksperti i Organizatës Botërore të Shëndetësisë Dale Fisher, ka deklaruar se është vetëm fillimi i përhapjes së koronavirusit.
Po ashtu ai thekson se virusi i rrezikshëm do të prekë çdo shtet të botës.
“Virusi sapo ka filluar të përhapet në vendet e tjera. Për shembull, në Singapor koronavirusi sapo ka filluar të shpërthejë”, ka pohuar Fisher.
Kujtojmë se virusi vdekjeprurës deri më tani ka marrë më shumë se 1,100 jetë njerëzish dhe aktualisht janë të infektuar rreth 46,000 persona, shkruan “tiranatoday.al”.
Mjekët infeksionistë në mbarë botën bëjnë thirrje që njerëzit të tregohen tepër të kujdesshëm.
Një ndër masat që duhet të marrim në mënyrë që të ulim riskun e infektimit nga koronavirusi, është larja e shpeshtë e duarve.
Po ashtu kini parasysh që të rrini larg personave të cilët kanë simptoma gripi.
E fundit, por jo më pak e rëndësishme: Shmangni kontaktin me kafshët e egra apo kafshët e fermave.
