Tashmë është zyrtare, Karlo Ançeloti është trajneri i ri i Real Madrid. Lajmin e ka bërë të ditur klubi madrilen, me anë të një komunikate zyrtare.
Tekniku italian do të drejtojë 13 herë kampionët e Europës për 3 sezonet e ardhshme. Ditën e nesërme pritet firmosja e kontratës, së bashku me Presidentin e klubit Florentino Perez, dhe më pas do të ketë një konferencë për mediat.
”Real Madrid C. F. njofton se Carlo Ancelotti do të jetë trajneri i ri i ekipit për tre sezonet e ardhshme. Nesër do të bëhet nënshkrimit i kontratës së bashku me presidentin Florentino Pérez në Madrid. Më vonë, Carlo Ancelotti do të paraqitet në orën 18:00 para mediave në një konferencë për shtyp”, thuhet në njoftim.
Ançeloti ka drejtuar më parë Real Madrid në periudhën 2013-2015, dhe në vitin 2014 arriti të fitonte Champions League, e 10-ta në histori për ta.
