Autoritetet austriake kanë filluar procedurat për të hetuar nëse fituesi i çmimit Nobel për Letërsi Peter Handke, ka humbur apo jo shtetësinë e Austrisë.
Sipas asaj që raportojnë mediat, ka dyshime të forta se Handke ka pranuar shtetësinë e ish-Jugosllavisë në vitin 1999.
Nëse kjo është e vërtetë, atëherë fituesi i çmimit Nobel në Letërsi automatikisht humb shtetësinë e Austrisë.
Kryetari i rajonit ku ka jetuar Handke ka urdhëruar urgjentisht drejtorinë për të hetuar faktet.
Carinthia është krahinë në të cilën Handke ka qenë i lajmëruar para se të lëvizë, kështu që ajo ka juridiksion për çështjen e shtetësisë, raporton “Kosova Press”.
Ligji austriak parashikon shtetësi të dyfishtë vetëm në raste të jashtëzakonshme.
Handke duhej të merrte miratimin e autoriteteve austriake për nënshtetësi të dyfishtë pasi të paraqiste një kërkesë me shkrim në Carinthia përpara se të merrte pasaportën e ish- RFJ-së. Shkrimtari, atë kërkesë siç është evidentuar në dosje këtë nuk e ka bërë kurrë.
Mediat austriake për shkak të situatës së re spekulojnë se me cilën shtetësi kur Handke ka marrë çmimin Nobel përfaqëson Serbinë apo Austrinë.
Fituesi i çmimit Nobel shkaktoi reagime të forta në opinionin shqiptar pasi ai njihet si një nga mbështetësit me të zjarrtë të ish-liderit të Jugosllavisë, Sllobodan Millosheviçit.
Ky i fundit me regjimin e tij spastrues kreu gjenocid ndaj popullsisë shqiptare në Kosovë gjatë luftës në vitin 1999.
Denonco ne TT