Një ngjarje e rëndë ka ndodhur ditën e sotme në qytetin e Fierit. Një lokal prej druri është përfshirë nga flakët duke u djegur tërësisht. Duke qenë se flakët janë përhapur me shpejtësi, banorët përreth kanë përjetuar panik nga situata. Ngjarja ka ndodhur në lagjen “Sheq i Vogël”.
Fatmirësisht, raportohet që nuk ka asnjë viktimë dhe vetëm dëme materiale. Në vendngjarje ka mbërritur policia dhe forcat zjarrfikëse, të cilët kanë vënë në kontroll zjarrin. Dyshohet se zjarri ka rënë në mjediset e lokalit që përdorej për të pjekur mish.
