Avokati i njohur, Altin Goxhaj ka reaguar në lidhje me situatën tek zona e Bregut të Lumit në Tiranë, ku është planifikuar të shemben 38 shtëpi, në sajë të projektit për zgjatimin e Bulevardit të Ri; ndërsa raportohet se policia ka përdorur ditën e sotme ndaj tyre gaz lotsjellës.
Përmes një postimi në rrjetin e tij social ‘Facebook’, Goxhaj ka hedhur akuza ndaj Avokates së Popullit, Erinda Ballanca, e cila sipas tij nuk ka reaguar sërish për helmimin e banorëve.
“Si gjithmonë, Avokatja e Popullit të Lulit asnjë fjalë për gazin helmues që u hodh sot mbi banorët, fëmijët, të moshuarit, gratë shtatzëna, të sëmurët.”, shkruan Goxhaj.
Ndërkohë, Goxhaj publikon edhe një foto, e cila sipas tij tregon dhunën e tmerrshme në çastin që banesat po shemben.
“Gra, të moshuar madje dhe fëmijë 5 vjeç ndodhen në qelitë e gjithë komisariateve të Tiranës..restoja në spitale të gjakosur apo me gjymtyrë të thyera!”, shkruan ndër të tjera avokati.
Postimi i plotë:
SKANDALI: AVOKATJA E POPULLIT TË LULIT NUK REAGON PËRSËRI PËR HELMIMIN E QINDRA BANORËVE ME GAZIN HELMUES!
Si gjthm Avokatja e Popullit të Lulit asnjë fjalë për gazin helmues që u hodh sot mbi banorët, fëmijët, të moshuarit, gratë shtatzëna, të sëmurët në një zonë me rrete mbi 1 km në Tiranë!
Dje nuk reagoi hiç se ka qenë shumë e zënë se me të gjithë protestat, arrestimet dhe helmimin masiv të popullsisë!
Sepse kështu i thotë Lul Sorosi!
Shikoni foton skandaloze ku tregon policë të qetë dhe asnjë imazh ndaj dhunës së tmerrshme ndërkohë që po shemben shtëpiat me gjithë plaçkat brenda ndërsa gra, të moshuar madje dhe fëmijë 5 vjeç ndodhen në qelitë e gjithë komisariateve të Tiranës.. restoja në spitale të gjakosur apo me gjymtyrë të thyera!!!!
