Kryedemokrati Basha, në një lidhje ‘live’ nga Pogradeci, ka folur për situatën e vështirë ekonomike që gjendet ky qytet. Ai ka vizituar nga afër bizneset e vogla të qytetit dhe ka dëgjuar problemet e qytetarëve.
Pronarët e bizneseve janë shprehur se turistët mungojnë, dhe se është përgjysmuar xhiroja ditore. Pasi ka dëgjuar shqetësimet e një biznesi familjar bulmeti, Basha ka premtuar mbështetje për sipërmarrësit dhe bizneset.
Pronari i biznesit tha se xhiroja ka rënë shumë, e ndërsa nuk mund të mbahet një biznes pa marrë një kredi. Ai u shpreh se ka rënë shitja, e kjo ndikon në pagesën e kredisë që ka.
Duke qëndruar në të njëjtën linjë, Basha hodhi akuza mbi qeverinë, pasi nuk ndihmon sipërmarrjen. Sipas tij, qeveria është e papërgjegjshme e ndërsa i ka lënë qytetarët në harresë në këtë periudhë pandemie.
Kreu i PD-së tha më tej se do jetë në krahun e njërëzve të thjeshtë e biznesit të vogël, dhe plani i tij është ringritja ekonomike.
