Ish-ministri i Drejtësisë, Ylli Manjani, ka reaguar në lidhje me arrestimet e ish-zyrtarëve dhe ndërtuesve të pallateve të dëmtuara nga tërmeti i 26 Nëntorit, në Vorë, Kashar dhe Farkë. Manjani ironizon duke thënë se “Fajin e ka Saliu”. E ndërsa duke iu referuar arrestimeve, ato kanë ndodhur në Thumanë e Golem e jo në Durrës, ku pasojat ishin fatale. E ndërsa sot janë prangosur disa persona në Vorë, Kashar e Farkë, por jo në Tiranë. Duke iu referuar kësaj ‘strategjie’, Manjani shton dozën e ironisë duke cituar se në Bashkitë e Durrësit e Tiranës nuk është ndjerë tërmeti.
Statusi
Siç e parashikuam…
Asnjë surprizë!
Gjeografia e arrestimeve për pasojat e tërmetit shpjegon shumë qartë moton “Fajin e ka Saliu”.
Shihni me vemendje! Arrestohen në Thumanë e Golem, por jo në Durrës.
Sot arrestohen në Vorë, Kashar e Farkë por jo në Tiranë.
Pra në bashkitë e Durrësit dhe Tiranës nuk ra tërmet…!
Edhe për tërmetin e fundit, megjithse pas 7 viteve nga qeveria e Tij, prap Ai e ka fajin.
Zyrtarë, ish-zyrtarë dhe ndërtues të pallateve të dëmtuara nga tërmeti i 26 Nëntorit, në Vorë, Kashar dhe Farkë janë ndaluar nga policia gjatë një aksioni policor të zhvilluar pasditen e sotme. Janë lëshuar 38 urdhër arreste nga Prokuroria e Tiranës për persona që akuzohen për abuzime me ndërtimet e pallateve në Tiranë, apo për ndërhyrje në to.
Denonco ne TT