Forcat xheniere kanë zbuluar sot një bombë me peshë 500 kg, e cila daton që prej Luftës së II Botërore.
Ministrja e Mbrojtjes, Olta Xhaçka, ka shpërndarë pamje nga operacioni i Forcave të Armatosura, gjatë demontimit të bombës, e cila u gjet në ish-fushën e aviacionit në Tiranë.
Xhaçka shton më tej se djemtë e xhenios e kanë zhvendosur në poligonin e Bizës, ku u demolua në mënyrë të kontrolluar.
Njoftimi
Forcat tona xheniere, të cilat pas pak javësh festojnë 100 vjetorin e krijimit, rikonformojnë se FA janë etalon i përkushtimit dhe profesionalizmit.
Një bombë me peshë 500 kg, e Luftës së II Botërore, u gjet në ish-fushën e aviacionit në kryeqytet dhe djemtë tanë të xhenios e zhvendosën në poligonin e Bizës, ku u demolua në mënyrë të kontrolluar dhe plotësisht të sigurt.
