Si pjesë e aksionit të ndërmarrë nga qeveria, do të shembet edhe godina e cila njihet si ‘pallati i VIP-ave’ në Durrës.
Pallati në fjalë cilësohet i tillë pasi në të kanë jetuar personazhe të njohura në vite. Ky pallat i cili i përket viteve ’80 është shpallur i pabanueshëm nga inspektorët pas tërmetit të 26 nëntorit.
Sipas Report Tv, në këtë pallat kanë banuar këngëtarja e njohur Parashqevi Simaku, aktori Fadil Hasa, por edhe drejtues institucionesh të asaj kohe, hetues dhe prokurorë.
Ndërtesa njihet ndryshe edhe si ‘Pallati i Parashqevisë’, edhe pse këngëtarja ka pothuajse 27 vite që nuk jeton më aty pas shpërnguljes në SHBA.
