Është zhvilluar ditën e sotme gjyqi ndaj ish-deputetes së PD-së, Albana Vokshi, për akuzën e shpifjes ndaj kryebashkiakut, Erion Veliaj.
Në gjyqin e zhvilluar paraditen e sotme, trupi gjykues vendosi se Vokshi, i detyrohet t’i paguajë një dëmshpërblim moral prej 1 milion lekësh Erion Veliajt.
Kryebashkiaku i Tiranës ngriti një padi lidhur me akuzat e saj nga selia e PD-së, e cila tha se prindërve që kanë fëmijët në çerdhe e kopshte po u mblidheshin të dhënat personale për përdorimin e tyre në fushatë elektorale.
Nga ana tjetër, Veliaj ka deklaruar se lekët e dëmshpërblimit për çdo gjyq me deputetët e PD do të shkojnë direkt në “Fondin e Edukimit”, i cili është krijuar për të mbështetur çerdhet, kopshtet, bibliotekat e shkollave, nxënësit e mirë të çdo komuniteti, me libra, kompjutera apo materiale mësimore.
