Moderatorja e “Open” në Top Channel, Eni Vasili, është bërë nënë e dy vajzave binjake. Ajo solli në jetë Sofi-në dhe Nikol. Ndonëse kanë kaluar vetëm dy muaj, kjo nuk e ka penguar aspak që të rikthehej fuqishëm në punë.
Mbrëmë, Eni Vasili u rikthye me “Open”, ku dhe nisi sezoni i ri televiziv për shumë programe politike. Me transmetimin e mbrëmshëm, të shumtë kanë qenë ata persona që e kanë uruar moderatoren, sidomos zonjat dhe zonjushat.
“Sa e fortë je, me dy fëmijë dhe ju riktheve punës”, i kanë shkruar ndjekësit. Teksa Eni iu është përgjigjur duke thënë:
“Fëmijët janë bekim, jo pengesë. Frymëzimi dhe forca vjen prej tyre. Faleminderit të gjithëve për mbështetjen”.
