E hënë, 24 Janar, 2022
3.5 C
Tirana

“S’është debat ky, shumë banale!”/Zyrtari i lartë largohet nga emisioni (VIDEO)

Deputeti i Lëvizjes “Vetëvendosje”, Haki Abazi, ka lënë studion televizive ku diskutohej mbi raportet e qeverisë së Albin Kurtit me aleatët. Në kohën kur po diskutonin për Marrëveshjen e Washingtonit, Abazi ka vendosur që të largohet nga emisioni, duke pretenduar se debati ishte banal për të. Përmes një postimi në Facebook, ai ka treguar arsyet e këtij akti.

“… kam lëshuar studion në kanalin 10 për të mos qenë as pranues e as kontribues i nivelit të ulët të debatit, gjuhës vullgare dhe ofenduese dhe tendencës që nëpërmjet zhurmës të pamundësohet biseda konstruktive”, ka shkruar ai.

Postim i plotë:

Gjuha dhe sjellja vullgare në studio dhe përgjithësisht në hapësirën mediale është e papranueshme. Tolerimi ndaj nivelit jorespektues dhe joprofesional që ka qëllim vullgarizimin e debatit, dërgon në rritje të dhunës në shoqëri dhe normalizim e pranim të asaj dhune që eksponencialisht është në rritje në shoqërinë tonë dhe po godet me të dobëtit dhe më të pambrojturit. Debatit që i mungojnë faktet dhe argumentimi por edhe gadishmëria për të pranuar argumentimin e tjetrit, e dëmton temën, nuk lejon thellim dhe shkakton tension e konfuzion tek audienca. Koha  e thjeshtëzimeve dhe debateve  me fraza se a “je proamerikan apo antiamerikan” për  konsum medial  ka kaluar. Zhvillimi nuk vije nga serviliteti ndaj askujt, por nga të dhënat, kerkimet shkencore dhe analizat studimore që projektojnë zhvillimin e qëndrueshëm shoqëror dhe ekonomia regjenerative. Sonte kam lëshuar studion në kanalin 10 për të mos qenë as pranues e as kontribues i nivelit të ulët të debatit, gjuhës vullgare dhe ofenduese dhe tendencës që nëpermjet zhurmës të pamundësohet biseda konstruktive. Në debate nuk duhet patjetër të këtë fitues, dhe nese ky është qëllimi dhe qëllim në vete është mepatjetër krijimi i përceptimit mbi të vërtetën dhe realitetin e bazuar ne fakte për shpërqëndrim të fokusit, e deklarime krejt spekulative, atëherë kjo formë nuk meriton të ushqehet si diskurs publik dhe jemi përgjegjës të kthehemi te e vërteta.

- Reklama -

Më shumë nga kategoria




Të fundit

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...