Rruga e Arbrit aq shumë e diskutuar, tashmë po merr formën e shumëpritur. Punimet në Rrugën e Arbrit po ecin me ritme të shpejta. Kryeministri Rama ka ndarë me ndjekësit në Facebook pamjet nga Rruga e Arbrit, dhe shprehet se në verën e ardhshme do të jetë një ëndërr shumëvjeçare e realizuar për dibranët.
Ndërtimi i saj do të shkurtojë në mënyrë të ndjeshme rrugën ekzistuese që përdoret sot nga Tirana për në Dibër, duke ndikuar në zhvillimin e zonave. Rruga e Arbrit jo vetëm do ofrojë qytetarët e Tiranës e gjithë Shqipërisë me Dibrën dhe Maqedoninë e Veriut, por do jetë një arterie e zhvillimit ekonomik dhe turizmit. Ky aks rrugor është një vepër inxhinierike komplekse, e cila do të bëhet realitet pas vitesh pritje e premtimesh.
Statusi
MIRËMËNGJES
dhe me këtë xhiro nëpër shtratin e hapur të Rrugës së Arbërit, që në verën e ardhshme do të jetë një ëndërr shumëvjeçare e realizuar për dibranët, e do të zbulojë për tiranasit hapësirat magjike të jastëkut të gjelbër të kryeqytetit që shtrihet deri pranë Dibrës, ju uroj një javë të mbarë.
